“შრომის უსაფრთხოების და გარემოს დაცვითი ტექნოლოგიები”

1. მიზანი

• საგანმანათლებლო პროგრამის მიზანია, კვალიფიციური კადრის მომზადება, რომელიც შეძლებს შეიმუშაოს სამუშაოს ნეგატიური ასპექტებისგან დასაქმებულთა და სამუშაო სივრცეში მყოფი სხვა პირების სიცოცხლის, ჯანმრთელობისა და გარემოს დაცვის მექანიზმი, შექმნას პირობები ჯანსაღი და ღირსეული საქმიანობისთვის საქართველოს კანონმდებლობით გათვალისწინებული სტანდარტების შესაბამისად და უზრუნველყოფს შრომის დაცვითი ღონისძიებების დანერგვა და მართვა.

2. პროფესიული საგანმანათლებლო პროგრამის შემუშავება

• პროფესიული საგანმანათლებლო პროგრამა შემუშავებულია ჩარჩო დოკუმენტის ,,შრომის უსაფრთხოება და გარემოსდაცვითი ტექნოლოგიები“ და საქართველოს განათლების, მეცნიერების, კულტურისა და სპორტის მინისტრის N170/ნ ბრძანების „საშუალო პროფესიულ საგანმანათლებლო პროგრამაში ზოგადი განათლების საშუალო საფეხურის სწავლის შედეგების ინტეგრირების წესისა და პირობების დამტკიცების შესახებ“ საფუძველზე.

3. პროფესიული საგანმანათლებლო პროგრამის ჩარჩო დოკუმენტის სახელწოდება:

• ქართულ ენაზე - შრომის უსაფრთხოებისა და გარემოსდაცვითი ტექნოლოგიები;

• ინგლისურ ენაზე - Occupational Safety and Environmental Technology.

4. მისანიჭებელი კვალიფიკაცია:

• ქართულ ენაზე - უმაღლესი პროფესიული კვალიფიკაცია შრომის უსაფრთხოებისა და გარემოსდაცვით ტექნოლოგიებში;

• ინგლისურ ენაზე - Higher Vocational Qualification in Occupational Safety and Environmental Technology.

• კვალიფიკაცია განათლების საერთაშორისო კლასიფიკატორის ISCED-ის მიხედვით განეკუთვნება დეტალურ სფეროს:

• “გარემოსდაცვითი ტექნოლოგიები” - კოდი 0712, 

• აღმწერი - „შეისწავლის გარემოს დამაბინძურებელი ნივთიერებებისა და ნარჩენების მინიმუმამდე შემცირების, 

• ასევე გარემოს დაბინძურების თავიდან აცილების პროცესებს.

•  იგი მოიცავს ჰაერის, წყლის, ნიადაგის და ა.შ. კონტროლთან დაკავშირებულ პროგრამებს”

5. სარეგისტრაცი ნომერი:

   • 07311-პ

6. დაშვების წინაპირობა:

• სრული ზოგადი განათლება.

7. დასაქმების სფერო და შესაძლებლობები:

• ეკონომიკური საქმიანობების სახეების ეროვნული კლასიფიკატორის კოდი: 38.; 38.1; 38.2; 39.; 39.0; 80; 86; 81

• დასაქმების საერთაშორისო კლასიფიკატორის (ISCO) კოდი: 3257

პროგრამის დასრულების შემდეგ შრომის უსაფრთხოებისა და გარემოსდაცვითი ტექნოლოგიების მენეჯერი/სპეციალისტი შეიძლება დასაქმდეს სხვადასხვა პროფილის და სამართლებრივი ფორმის ორგანიზაციაში. კერძოდ, მშენებლობის, ელექტრომომარაგების, წყალმომარაგების, ნავთობისა და გაზის, ლოჯისტიკის, ტრანსპორტის, მძიმე მრეწველობის, სამთო მრეწველობის, საზღვაო პორტების, კომუნიკაციების, ტურიზმის, სარესტორნო, გასართობ, სავაჭრო, საგანმანათლებო დაწესებულებებში: უსაფრთხოების ინსპექტორად/მენეჯერად; ჯანმრთელობის დაცვის ინსპექტორად/მენეჯერად; შრომის, ჯანმრთელობის და უსაფრთხოების ინსპექტორად/მენეჯერად; დაბინძურების ინსპექტორად; ჯანსაღი სამუშაო გარემოს დაცვის ოფიცერად; შრომის უსაფრთხოების და ჯანმრთელობის დაცვის მრჩეველად; გარემოს დაცვის მრჩეველად; შრომის ჰიგიენის სპეციალისტად/მენეჯერად; ნარჩენების შეგროვების სპეციალისტად; ნარჩენების დამუშავება-მოცილების სპეციალისტად; დაბინძურებისაგან გასუფთავება-ნარჩენების მართვის ინსპექტორად; უსაფრთხოების დაცვის სპაციალისტად/ მენეჯერად; შრომის უსაფრთხოებისა და გარემოსდაცვითი ტექნოლოგიების მენეჯერად ან სპეციალისტად; სახელმწიფოს შრომის ინსპექტირების სამსახურებში შრომის უსაფრთხოებისა და გარემოსდაცვითი ტექნოლოგიების მენეჯერად ან სპეციალისტად; სხვადასხვა კერძო და სახელმწიფო სტრუქტურებსა და ორგანიზაციებში შრომის უსაფრთხოებისა და გარემოსდაცვითი ტექნოლოგიების მენეჯერად ან სპეციალისტად.

8. პროფესიული საგანმანათლებლო პროგრამის განხორციელების ადგილი:

• თბილისი, 

9. სტრუქტურა და მოდულები

• პროგრამის ხანგრძლივობა - 23 თვე

• პროფესიულმა სტუდენტმა (ქართულენოვანმა) უნდა გაიაროს:

• ზოგადი სავალდებულო მოდული - 3;

  • ზოგადი მოდულის კრედიტების რაოდენობა - 11;

• პროფესიული სავალდებულო მოდული - 21;

  • პროფესიული მოდულების კრედიტების რაოდენობა - 109;

შენიშვნა - მოდულის: ქართული ენა A2 და B1 (30 კრედიტი) გავლა სავალდებულოა დამატეით მხოლოდ იმ პროფესიული სტუდენტებისთვის, რომლებმაც პროფესიულ საგანმანათლებლო პროგრამაზე სწავლის უფლება მოიპოვეს რუსულ, აზერბაიჯანულ ან სომხურ ენაზე ტესტირების გზით. აღნიშნული პირებისათვის პროფესიულ  საგანმანათლებლო პროგრამაზე სწავლება იწყება ქართული ენის მოდულით და გადის დამარებით 30 კრედიტს.